Жаз шыққалы бері Алакөл жағасында 120-дан астам бала жоғалып кеткен
Жаз шыға салысымен халық жаппай Алакөл жағасына ағылады. Жалғыз емес, бала-шағасымен баратындар да көп. Олардың арасында құжынаған нөпір арасынан баласынан көз жазып қалатындар жоқ емес.
Алматы, NEGE. Абай облысы Полиция департаментінің мәліметіне сүйенсек, биыл баласын таба алмай тәртіп сақшыларына хабарласатындар жиілеген.
— Алакөл жағалауында туристік полиция қызметкерлері суға түсу маусымы басталғалы бері балалардың жоғалуына байланысты жиі хабар түсті. Әсіресе Арбат аумағындағы адам көп жиналатын орындарда ата-аналар балаларын жоғалтып алады. Маусым-шілде айлары аралығында осындай 120-дан астам жағдай тіркелген. Абырой болғанда, барлық бала дер кезінде табылып, ата-аналарына аман-есен жеткізілді, — делінген ақпаратта.