1 февраля 2024 г. 19:32
Жасөспірімдер олимпиадасы: Бүгін ең соңғы жүлде сарапқа салынды
Канвондағы қысқы жасөспірімдер Олимпиадасының соңғы жарыс күнінде спортшылар аралас командалық эстафетадан өзара мықтыны анықтады, деп жазады Olympic.kz.
Алматы, NEGE. 4×5 шақырымға жарысудан 24 команда бақ сынаған додада қазақстандықтар мәреге 16-болып келді. Бұл сында ел намысын Берік Боранбаев, Әубәкір Тотанов, Милана Мамедова мен Виолетта Митропольская қорғаған болатын.
Канвон Олимпиадасының соңғы жүлде жиынтығын Германия, Франция және Швейцария командалары бөлісті.
IV қысқы жасөспірімдер Олимпиадасын Қазақстан құрамасы 1 алтын, 2 қоламен аяқтап отыр.
Илья Мизерных шаңғымен тұғырдан секіруден тарихи алтын жүлдеге ие болса, шорт-трекші Полина Омельчук пен хоккейшілер қола медаль еншіледі.