Жапонияда 5,4 магнитудалы жер сілкінісі болды
Жапонияның оңтүстік-батысында 5,4 магнитудалы жер сілкінісі тіркелді. Бұл туралы ТАСС агенттігі хабарлады.
АЛМАТЫ, NEGE. Елдің Ұлттық метеорологиялық басқармасының мәліметінше, зілзаланың эпицентрі Тосима аралындағы Тосима ауылына жақын маңда орналасқан. Жерасты дүмпулерінің ошағы 20 шақырым тереңдікте болған.
Қазіргі уақытта зардап шеккендер мен қираған нысандар туралы ақпарат түскен жоқ. Цунами қаупі жарияланбаған.