Жаңаөзендіктер министрліктің табалдырығында түнесе де, министрлерден жауап жоқ
Маңғыстау облысының «Өзенмұнайгаз» мұнай-газ өндіру компаниясының құбырларын жөндеумен айналысатын "Кезби" мекемесінің бір топ азаматы Елордада он күннен бері жүр. Жергілікті билік пен компания басшылығынан әділдік таппай, олар негізгі 4 талапты Энергетика министрлігі мен Бас прокуратураға жолдаған. Бірақ аталмыш министрліктен жауап болмағаннан кейін ереуілшілдер еңбек министрлігінің алдында түнеген. Еңбек министрлігінің табалдырғына түнеген наразылардың сұрауына әлі де жауап табылмай тұр.