Жамбыл облысында жүргізуші өз көлігінің астына түсіп, мерт болды
Оқиға 30 шілде күні Қордай ауданына қарасты Кенен ауылының маңында тіркелген.
Алматы, NEGE. «ГАЗ-33023» пен жол жиегінде тұрған «КамАЗ-5511» маркалы жүк көліктері соқтығысқан. «Газельдің» жүргізушісі оқиға орнында көз жұмды.
Куәгерлердің айтуынша, жүргізуші еңіс жолда ұйықтап кетіп, тұрақта тұрған жүк көлігіне соғылған. Соққы салдарынан алдыңғы әйнек арқылы сыртқа ұшып кеткен оны өз көлігі басып өткен.
Жамбыл облыстық полиция департаментінің мәліметінше, жол-көлік оқиғасы бойынша қылмыстық іс қозғалды. Қазіргі уақытта тергеу амалдары жүргізіліп жатыр.