Жамбыл облысында әскери борышын өтеп жүрген сарбаз көз жұмды
27 қаңтар күні Жамбыл облысында қаруды ұстау кезінде алған жарақат салдарынан мерзімді әскери қызметші қаза тапты.
Астана, NEGE. Аталған дерек бойынша Ішкі істер министрлігінің әскери-тергеу органдары сотқа дейінгі тергеп-тексеруді бастады. Жедел-тергеу тобы құрылып, істің барысы Бас прокуратураның жеке бақылауына алынды.
Оқиғаның барлық мән-жайын жан-жақты әрі объективті анықтау мақсатында қорғаныс министрінің орынбасары, бас әскери прокурор және ІІМ әскери-тергеу департаментінің басшысы оқиға орнына барды.
Сонымен қатар, комиссия еліміздің әскери бөлімдерінде әскери тәртіптің сақталуы мен қауіпсіздік талаптарының орындалуына қатысты тексеру жүргізеді.