Зейнетақы жинағын мерзімінен бұрын алу шегі өсуі мүмкін
Бұл жөнінде Үкіметтің кеңейтілген отырысында Ұлттық банк төрағасы Тимур Сүлейменов мәлімдеді.
Астана, NEGE. Оның айтуынша, Ұлттық банк зейнетақы активтерінің табыстылығын арттыруға ниетті.
«Зейнетақы активтері 12%-ға өсіп, 25,1 трлн теңге болды. БЖЗҚ-ның инвестициялық кірісі 1,8 трлн теңгеге жетті. Ұзақ мерзімді табыстылықты арттыру үшін Ұлттық қордағыдай акциялар мен баламалы құралдар секілді жоғары табысты активтер кластарының үлесін көбейтуді жоспарлап отырмыз.
Сонымен қатар, зейнетақы төлемдерінің лайықты деңгейін қамтамасыз ету үшін болашақта табысты алмастыру коэффициентін арттыру қажет», – деді Тимур Сүлейменов.
Ұлттық банк басшысының мәлімдеуінше, бұл мерзімінен бұрын алуға рұқсат берілетін шекті деңгейге қойылатын талаптарды қатаңдатуды талап етеді.
