Зарина Дияс Жапониядағы халықаралық турнирдің финалына шықты
Қазақстандық теннисші Зарина Дияс Жапонияның Куруме қаласында өтіп жатқан ITF W50 санатындағы халықаралық турнирдің финалына жолдама алды.
Алматы, NEGE. Әлемдік рейтингте 318-орында тұрған Дияс бұл жарысқа 6-нөмірлі ойыншы ретінде тіркелген. Жартылай финалда ол Қытайлық Мэйлин Ванмен (WTA №336) өте тартысты кездесу өткізіп, 6:3, 3:6, 7:5 есебімен жеңіске жетті.
Матч 2 сағат 16 минутқа созылды.
Енді Зарина финалда жапониялық Аяно Шимицумен (WTA №288) бас жүлде үшін таласады. Айта кетейік, Шимицу жартылай финалда өз отандасы Михо Курамотиді (WTA №391) 0:6, 6:3, 6:3 есебімен ұтты.
Зарина Дияс WTA Live рейтингісінде 289-орынға көтерілді. Финалдық матчта жеңіске жетсе, ол одан әрі жоғарылай түседі.