23 октября 2025 г. 11:53
Юсуф Мациев грек-рим күресінен жастар арасындағы әлем чемпионатында күміс медальға ие болды
Грек-рим күресінен Қазақстан құрамасының өкілі Юсуф Мациев Сербияның Нови-Сад қаласында өтіп жатқан жастар арасындағы әлем чемпионатында күміс жүлдегер атанды.
Алматы, NEGE. Мациев 97 келіге дейінгі салмақ дәрежесінде финалға дейін жетті. Шешуші белдесуде ол украиналық Егор Якушенкомен кездесті.
Тартысты белдесу 6:1 есебімен қарсыластың пайдасына аяқталды.
Айта кетейік, ұлттық құрама қоржынында қазір екі медаль бар. Бұған дейін 72 келіге дейінгі салмақта Мерей Мәулетханов қола жүлдегер атанған болатын.
