Владимир Путин Қасым-Жомарт Тоқаевты туған күнімен құттықтады
Ресей Федерациясының Президенті Владимир Путин Қазақстан Президенті Қасым-Жомарт Тоқаевтың туған күніне орай құттықтау жеделхатын жолдады, деп хабарлайды Кремльдің ресми сайты.
Алматы, NEGE. Жеделхатта Путин былай деп жазған:
«Құрметті Қасым-Жомарт Кемелұлы! Туған күніңізбен шын жүректен құттықтаймын. Екі ел арасындағы стратегиялық әріптестік пен одақтастықты нығайту ісіне қосып отырған жеке үлесіңізді жоғары бағалаймыз. Біздің мемлекеттер арасындағы бұл қарым-қатынас бауырлас халықтардың игілігі үшін әрі қарай да жемісті дамитынына сенімдімін.
Сізге шын көңілден зор денсаулық, амандық және мемлекеттік қызметте табыс тілеймін.»
Айта кетейік, Қасым-Жомарт Тоқаев 17 мамырда 72 жасқа толды. Ақорда бұған дейін Мемлекет басшысы туған күнін атап өтпейтінін мәлімдеген болатын.
