15 декабря 2019 г. 15:37
VIII «Алтын домбыра» айтысына кімдер қатысады?
16-17 желтоқсан күндері Оралда «Тұғыры биік Тәуелсіздік!» атты VIII «Алтын домбыра» республикалық ақындар айтысы өтеді.
Айтулы доданы белгілі ақын, халықаралық айтыс ақындары мен жыршы-термешілер одағының басқарма төрағасы Жүрсін Ерман жүргізеді.
Нұр-Сұлтан қаласынан Жандарбек Бұлғақов, Бекзат Асқаров, Әсем Ережеқызы, Аруна Керімбек, Алматыдан Рүстем Қайыртай, Шұғайып Сезімхан, Хазірет Бердіхан, Қанат Мырзахан сайысқа түседі.
Қызылордадан осыған дейін «Алтын домбыра» айтысының екі мәрте жеңімпазы атанған Мұхтар Ниязов бар. Батыс Қазақстаннан «Алтын домбыраны» өткен жылы ұтып алған Жансая Мусина, сондай-ақ Талғат Мықи, Бауыржан Ширмединұлы қатысады.
