Вагон сатып алуға Т40 млрд жұмсалады

Алматы, NEGE. «Темір жол көлігі саласында 2025 жылға дейін магистралды темір жол желісі тозығын 49%-ға және локомотивтердің тозығын 58%-ға дейін төмендету жоспарлануда. Барлығына белгілі жолаушылар вагонының жетіспеушілігі бар, сондықтан алты жыл ішінде 600 жаңа жолаушылар вагонын сатып алу жоспарлануда. Ағымдағы жылы 50 вагон сатып алынады, бюджеттік несиелеуге Т20 млрд. бөлінген. Алдағы уақытта республикалық бюджетті нақтылау барысында 50 дана вагон сатып алуға Т20 млрд қосымша бөлінеді», - деді Атамқұлов сейсенбідегі үкімет отырысында.
Ол атап өткендей, жылжымалы құрам паркін жаңартуға Т657 млрд. тарту жоспарлануда, оның ішінде Т455 млрд. жеке.
«Ағымдағы жылдың 20 сәуірінде «Трансмашхолдинг» АҚ-ға 100% алдын-ала төлем аудару жоспарланған», - деді министр.