13 мая 2024 г. 13:35
Үйдің шатырынан табылды: Астанада 20 жыл іздеуде жүрген ер адам ұсталды
Елордалық полиция 20 жыл іздеуде жүрген азаматты ұстады.
Алматы, NEGE. Алматы аудандық ПБ қызметкерлері көрші мемлекеттің аумағында алаяқтық әрекеттерін жасағаны үшін 20 жылдан астам уақыт мемлекетаралық іздеуде жүрген Ресей Федерациясының 53 жастағы азаматын ұстады.
Күдікті алдымен Қырғызстанға қашып, ол жақтан Астанадағы туыстарына келген. Жедел іздестіру шараларының нәтижесінде ер адам үйдің шатырынан табылды.
Қазіргі уақытта оны Ресейге экстрадициялау мәселесі қарастырылып жатыр.