Ұшақ салонында «жаңбыр жауды»
Air India әуекомпаниясының ұшағының салонында ұшу кезінде "жаңбыр" жауды, деп хабарлайды Tengritravel.kz.
Гатвик – Амритсар бағытында ұшқан лайнерде күтпеген жағдай тіркелді. Әуекемесінің бортында салон ішін конденсациялау реттегішіне қатысты көп кездесе бермейтін жағдай болды.
Қолжүгін салатын сөрелерден жолаушыларға су тамшылап тұрған.
«Біздің жолаушыларымыздың кейбірі басқа бос орындарға отырды. Жағдайды ескере отырып, экипаж мүшелері жолаушыларға ыңғайлы болу үшін барлық жағдайды жасады», – дейді әуетасымалдаушы өкілдері.