22 июля 2022 г. 9:54
Үндістанның президенттігіне әйел сайланды
Драупади Мурму Үндістандағы президент сайлауында жеңіске жетіп, елде осындай жоғары лауазымды иеленген екінші әйел атанды.
Алматы, NEGE. Елді басқарған алғашқы әйел Пратибха Патил (2007-2012 жылдары) болды. Сондай-ақ Д.Мурму «азат елде», яғни британдықтардан тәуелсіз болғаннан кейін дүниеге келген Үндістанның тұңғыш президенті болмақ.
Ол 1958 жылы дүниеге келген. Джаркханд штатының экс-губернаторы. Д.Мурму ел президенті ретінде 25 шілдеде ант береді. Мемлекеттің іс басындағы басшысы Рам Натх Ковиндтің өкілеттік мерзімі 24 шілдеде аяқталады.
