Ұлттық құрама капитаны Асланбек Шымбергенов алғашқы жекпе-жегінде ұтылып қалды
Бокстан Қазақстан командасының капитаны Асланбек Шымбергенов Париж Олимпиадасындағы алғашқы жекпе-жекте ұтылып қалды, деп хабарлайды Olympic.kz.
Алматы, NEGE. 71 келі салмақта алғашқы жекпе-жегін өткізген Шымбергенов иорданиялық Зеяд Ишаишке жол берді.
Бірінші раундты төрешілер 3:2 есебімен Асланбекке берген. Екінші раундта да осы есеп сақталды.
Ал үшінші раундта қарсылас белсенді қимылдап, жеңіске жетті.
Осылайша, бокстан Қазақстан командасының бір мүшесі жарысты аяқтады.