Украинадағы жағдай әлемдік экономика өсімін төмендетеді
Украинадағы жағдай жаһан экономикасының өсімін биыл 1 процентке төмендетіп, инфляция деңгейін 2 жарым процентке арттыруы мүмкін.
Алматы, NEGE. Мұны Экономикалық ынтымақтастық және даму ұйымы хабарлап отыр. Аталған мекеме өкілдерінің айтуынша, қарулы қақтығыс кедей елдердің азық-түлік қауіпсіздігіне де айтарлықтай әсер етуі мүмкін.
Матиас Корманн, экономикалық ынтымақтастық және даму ұйымы бас хатшысы:
– Қаңтар-ақпан айларында бидай бағасы екі есе өсті. Бидай, жүгері мен тыңайтқыштарды жеткізу ісіндегі іркіліс көптеген елдер үшін әсіресе табысы төмен мемлекеттердің азық-түлік қауіпсіздігіне үлкен қауіп төндіруі мүмкін. Бүгінде негізгі металдардың бағасы 40 процентке дейін қымбат. Бұл түрлі өндіріс салаларына әсер етуі мүмкін.