Үкімет анонимді Telegram арналардың артында кім тұрғанын анықтауға ниетті
Мәдениет және ақпарат министрлігі «Бес мыңнан астам аудиториясы бар онлайн платформалардың жасырын пайдаланушыларының тізілімін жүргізу қағидалары» туралы бұйрық жобасын жариялады.
Астанада, NEGE. Құжатта бес мыңнан көп оқырманы немесе жазылушысы бар онлайн платформалардың анонимді пайдаланушыларын тіркеу тәртібін бекіту көзделген. Тізілімді уәкілетті орган қазақ және орыс тілдерінде электрондық форматта жүргізеді.
Министрлік бұл қағидалардың мақсатын онлайн платформалардағы цифрлық қауіпсіздікті күшейту, онлайн қатынас ашықтығын арттыру және жасырын пайдаланушыларды анықтау деп түсіндірді.
Жобаға сәйкес күтілетін нәтижелер заңнамалық өзгерістер қабылданғаннан кейін 1-3 жыл ішінде жүзеге асады.