ҰҚК «шабуыл жасап, кісі өлтіруге шақырған» алты адамды ұстады
Ұлттық қауіпсіздік комитеті қараша айында Алматы, Ақтөбе, Қонаев және Шымкент қалаларында деструктивті діни ағымдардың 6 жақтаушысын ұстағанын мәлімдеді.
Астана, NEGE. Тергеудің болжамы бойынша, күдіктілер діни негізде шабуыл жасап, кісі өлтіруге шақырған. Сонымен қатар зайырлы тәртіпке қарсы шыққан.
«Тінту барысында олардан атыс және суық қару, сондай-ақ көптеген діни әдебиеттер тәркіленді. Сот санкциясымен аталған тұлғалар қамауға алынды», – деп хабарлайды ҰҚК баспасөз қызметі.
Бұдан бөлек, 3 қарашада терроризмге шақыру материалдарын таратқан Ақтөбе облысының тұрғыны 7 жылға бас бостандығынан айырылды. Үкім заңды күшіне енді.
Жыл басынан бері террористік және экстремистік әрекеттері үшін 83 адам ұсталып, 97 адам сотталған.