Үйлену тойларға рұқсат берілді
Грузияда үйлену тойларын өткізуге рұқсат берілді. Ковид кезінде некелесудің шарттары көбейген, деп хабарлайды Хабар-24.
Алматы, NEGE. Бетперде кию мен термоскрининг – міндетті рәсім. Залдағы қонақтар саны 10-нан аспауы тиіс. Десе де тойшыл қауым осыған да шүкіршілік етеді.
Қазір Грузияда некені 2 жолмен тіркеуге болады. Бірі – Әділет үйінде, екіншісі – мемлекеттік тіркеушіні мейрамханаға шақыру. Бір қызығы, Грузияда некесін қидыратын шетелдіктер көп екен.
Бірақ бәрібір тойға 10-нан артық қонақ шақыра алмайсыз. Бұл талапты бұзған жеке тұлғаларға 600 доллар, ал заңды тұлғаларға кемінде 3 мың доллар айыппұл салынады.