ТЖМ Алматы хостеліндегі өрттің шығуына себеп болған екі нұсқаны атады
Төтенше жағдайлар министрі Сырым Шәріпханов Алматы хостеліндегі өрттің алдын ала себептерін айтты.
Алматы, NEGE. Сырым Шәріпхановтың айтуынша, Алматыдағы хостелде болған өрттің шығуы мүмкін екі нұсқасы анықталған.
«Бұл жарық қондырғысының қызып, балқуынан туындаған қысқа тұйықталу болуы мүмкін. Екінші нұсқа – өрт ұшқыны. Яғни, біреу темекі тұқылын немесе сіріңке шырпысын тастауы мүмкін. Негізгі себептері осы», - деді Сырым Шәріпханов.
Естеріңізде болса, 30 қараша күні Алматыдағы Шәріпов көшесінде орналасқан хостелде өрт шығып, 13 адам қаза тапқан еді.