Түркістан облысында құдыққа құлап кеткен 29 жастағы қыз құтқарылды
Түркістан облысында құдыққа құлап кеткен 29 жастағы қыз құтқарылды, деп хабарлады ТЖМ.
Алматы, NEGE. «Бүгін сағат 09:18-де 1994 жылғы азаматшаның Түркістан облысы Майтөбе ауылының маңындағы ашық алаңда орналасқан дренаждық құдыққа құлағаны туралы хабар келіп түсті. Сағат 12:06-да жергілікті тұрғын құдыққа түсіп, 12:14-те қызды құдықтан ес-түссіз күйде шығарып алды», - делінген хабарламада.
Құтқару жұмыстарына ТЖД, жедел жәрдемнің, полицияның 31 адамы және 5 техникасы жұмылдырылды.