Түркіменше ел билеу: Алма ағашынан алыс түспес
Түркіменстан дегенде ойға басын құмға тығып тұра қалған түйеқұс келеді.
Өз қазаны өзінде қайнап жатқан жабық мемлекет, бейтарап деген мәртебені таңдаған ел. Түркіменстанның ішінде не болып жатқанының нақты сипаттамасы еш жерде жоқ. Там-тұмдап қана таматын хабардан тек долбар жасауға болады.
Түркіменстанда оппозициялық басылым атымен жоқ. Шет елдердің ақпарат құралдарына да жол жабық. Былайша айтқанда өзінің жаманын жасырып, жақсысын асырып отыратын жұрт деуге келеді. Бұрын-соңғы президенттері болса білгенін істеуден бірінен-бірі асып түседі.
Біреуге күлетін жағдайымыз жоқ. Дегенмен Nege.kz ақпараттық-сараптамалық порталының «Президенттер портреті» айдарының кезекті мақаласы Түркіменстан президенті Сердар Бердімұхамедовтің болмыс-бітіміне үңіліп қарауға арналған.