Түркиядағы терактіден зардап шеккендер арасында қазақстандықтар жоқ
ҚР Сыртқы істер министрлігі Түркиядағы терактіге қатысты пікір білдірді.
Алматы, NEGE. Түркиядағы терактіде зардап шеккендер мен қаза тапқандар арасында қазақстандықтар жоқ. Бұл туралы ҚР СІМ ресми өкілі Айбек Смадияров мәлімдеді.
Естеріңізге сала кетейік, 23 қазанда Түркия астанасы Анкарада теракт болып, 5 адам қаза тапты. Лаңкестер Анкарадағы TUSAŞ аэроғарыштық компаниясының авиациялық зауытына шабуыл жасады.
Анкара Бас прокуратурасы лаңкестік әрекетке қатысты тергеу бастады.