Түркия астанасы Анкарада теракт болып, 3 адам қаза тапты
23 қазанда Анкарадағы TUSAŞ аэроғарыштық компаниясының авиациялық зауытына шабуыл жасалды.
Алматы, NEGE. Қылмыскерлер TUSAŞ ғимаратына жай таксимен келген. Қару кезенген олар ғимаратқа басып кірмек болған, сол кезде жарылыс жасаған.
Жарылыстан 3 адам қаза тапты, 14-і жараланған. Екі лаңкестің көзі жойылды.
Анкара Бас прокуратурасы лаңкестік әрекетке қатысты тергеу бастады.
Түркияның Ішкі істер министрі Әли Йерликая қаза тапқандардың отбасыларына көңіл айтып, шабуылды айыптап, терроризмге қарсы күресті жалғастыруға уәде берді.