22 сентября 2025 г. 12:23
«Тіс емдеуге берілген» – Қаржылық мониторинг агенттігі зейнетақы қаражатын жымқыру ісіне қатысты видео жариялады
Қаржылық мониторинг агенттігі зейнетақы жинақтарының артық сомасын жымқыруға күдіктілерден тәркіленген ақша купюралары көрсетіп, бейнематериал жариялады.
Алматы, NEGE. Ведомствоның мәліметінше, 200 млрд теңгеден астам қаржы жалған медициналық клиникалар мен 226 дроппер арқылы заңсыз шығарылған. Жинақ иелерінің қаражатына күдіктілер құны 600 млн теңгеден асатын 15 автокөлік, қымбат зергерлік әшекейлер, коммерциялық жылжымайтын мүлік, пәтерлер және жер учаскелерін сатып алған.
Зейнетақы жинақтарының артық бөлігін пайдалану барысында алаяқтық фактілері жиілеп кеткендіктен, енді бұл қаражатты тіс емдеуге қолдануға тыйым салынбақ.
