Трамп Үндістан мен Пәкістан арасында атыс толық тоқтағанын мәлімдеді
"АҚШ-тың араағайындығымен түні бойы созылған келіссөздерден кейін Үндістан мен Пәкістан атысты дереу әрі толық тоқтатуға келіскенін қуана хабарлаймын" деп жазды Трамп Truth Social желісінде.
Алматы, NEGE. АҚШ президенті Дональд Трамп Вашингтонның араағайындығының нәтижесінде Үндістан мен Пәкістан арасында атыс тоқтағанын мәлімдеді.
Атыс тоқтағаны жөнінде ақпаратты Пәкістанның вице-премьері Исхак Дар да растады.
Үндістан мен Пәкістан арасында жағдай 22 сәуірде Үндістанның бақылауындағы Кашмирде үнді туристеріне жасалған қарулы шабуылдан кейін күрт шыққан. Шабуылды исламистік сепаратистік топ мойнына алды. Қанды оқиғадан 26 адам қаза болды. Шабуылдаушылардың үшеуі Пәкістан азаматы екені айтылады.
6 мамырда Үндістан Пәкістанға қарсы әскери операция бастады. Делидің хабарлауынша, үнді әскері "теракт үшін пайдаланылған инфрақұрылымға соққы жасауды" көздеген. Пәкістан оған жауап ретінде әуе кеңістігін жауып, ракетамен соққы жасаған.
10 мамырда Пәкістан Үндістанға қарсы "Берік қабырға" атты ауқымды ірі әскери операция бастағанын хабарлады. Исламабад әскери қимылды елдің "егемендігі" мен оның "езілген азаматтарын" қорғау қажеттігімен түсіндірді.
Ақпарат құралдарының жазуынша, пәкістандық армия бірнеше үндістандық әскери нысанға шабуылдаған. Дели пәкістандық әскерді бейбіт аудандарға соққы жасады деп айыптады.