Трамп Еуропалық Одаққа қарсы 50% баж салығын енгізбек
АҚШ президенті Дональд Трамп 23 мамыр күні Еуроодақ елдерінен АҚШ-қа импортталатын барлық тауарларға 50% баж салығын енгізетінін мәлімдеді. Бұл туралы ол Truth Social әлеуметтік желісінде жазба жариялады.
Алматы, NEGE. Трамп Еуропалық одақтың "АҚШ-тан сауда саласында басымдық алу мақсатында құрылғанын" атап өтті. Сондай-ақ ол еуропалықтармен "қарым-қатынас жасау өте қиын" екенін айтып, шағымданды.
"Олардың мықты сауда кедергілері, қосымша құн салығы (ҚҚС), мағынасыз корпоративтік айыппұлдары, ақшалай емес сауда шектеулері, ақша-несие манипуляциялары, америкалық компанияларға қарсы әділетсіз және негізсіз сот істері және басқа да көптеген себептерге байланысты АҚШ-пен сауда тапшылығының жылына 250 миллион доллардан асып кетіп отыр. Бұл ақылға қонбайтын көрсеткіш", – деп жазды Трамп.
Оның айтуынша, Еуроодақпен жүргізілген келіссөздер еш нәтиже бермеген. Сондықтан 2025 жылдың 1 маусымынан бастап тікелей 50 пайыздық тариф енгізуді ұсынатынын айтты.