Төрт облыста ескерту жарияланды
Төрт облыста қолайсыз ауа райына байланысты ескерту жарияланды, деп хабарлайды Қазгидромет.
Алматы, NEGE. 20 желтоқсанда Нұр-Сұлтан қаласында бұрқасын соғады, күндіз көктайғақ болуы ықтимал. Оңтүстік-батыстан, оңтүстіктен жел соғады, күндіз екпіні 15-20 м/с жетуі мүмкін. 20 желтоқсанда күндіз Ақмола облысының кей жерлерінде қалың қар жауады. Кей жерлерде тұман түсіп, боран соғады. Күндіз кей жерлерде көктайғақ болуы мүмкін. Оңтүстік-батыстан, оңтүстіктен жел соғады, кей жерлерде күші 15-20 м/с жетеді. Сол күні Көкшетау қаласында жаяу бұрқасын күтіледі. Түнде және таңертең тұман түседі. Оңтүстік-батыстан, оңтүстіктен жел соғады, екпіні 15 м/с жетеді.
20 желтоқсанды Шығыс Қазақстан облысында кей жерлерде қар жауады, бұрқасын соғып, көктайғақ болады. Оңтүстік-шығыстан cоққан жел солтүстік-батысқа ауысады, күші кей жерлерде 15-20, екпіні 23-28 м/с жетеді. Сол күні Өскемен қаласында желдің екпіні 15-20 м/с жетуі ықтимал.
20 желтоқсанда түнде Түркістан облысындағытауларда қатты жауын-шашын (жаңбыр, қар) күтіледі. Кей жерлерде тұман түсіп, көктайғақ сақталады. Облыстың басым бөлігінде оңтүстік-батыстан соғатын желдің күші 15-20, кей жерлерде екпіні 23-28 м/с жетеді. Сол күні Шымкент қаласында оңтүстік-батыстан 15-20 м/с жел соғады. Түркістан қаласында да оңтүстік-батыстан соққан жел 15-20 м/с күшейеді.
20 желтоқсанда Қостанай облысының кей жерлерінде қалың қар жауады. Кей жерлерде боран соғып, тұман түседі, көктайғақ болуы ықтимал. Оңтүстік-батыстан, батыстан жел соғады, кей жерлерде екпіні 15-20, 23 м/с жетеді. Сол күні Қостанай қаласында қар жауады, бұрқасын соғады, оңтүстік-батыстан, батыстан жел соғады, екпіні 18 м/с жетуі мүмкін.