Тоқаев медицина қызметкерлеріне көмек беруге әзір
Қазақстан президенті Қасым-Жомарт Тоқаев Твиттер желісіндегі парақшасында ел медицинасының қызметкерлерін кәсіби мерекесімен құттықтады.
Алматы, NEGE. "Еліміздегі барша медицина қызметкерлерін кәсіби мерекелерімен құттықтаймын! Ауырған жанды емдеу, өмірін сақтау - сіздердің қастерлі еңбектеріңіз. Бүгінде көпшілігіңіз пандемиямен күрестің алдыңғы шебінде жүрсіздер. Қажырлы еңбектеріңіз үшін алғыс айтамын. Аман болыңыздар! Мемлекет сіздерге жан-жақты көмек береді.", - делінген Қ.Тоқаевтың құттықтауында.
Медицина қызметкерлерінің күні қарсаңында Қазақстанда әлеуметтік желілерде коронавирус індетімен байланысты ауруханаларда орын қалмағаны, дәрі-дәрмек пен медицина аппараттарының жетіспейтіні туралы айтқан дәрігерлердің аудио,бейнежазбасы көптеп шығып кеткен еді.
Қазақстанда медицина қызметкерлерінің күні 1998 жылдан бері Ресейдегідей маусымның үшінші жексенбісінде мерекеленеді.