Тоқаев Трамптан хат алды
Мемлекет басшысы Қасым-Жомарт Тоқаевтың атына АҚШ Президенті Дональд Трамптан хат келіп түсті.
Астана, NEGE. Ақорда таратқан хабарламаға қарағанда, Дональд Трамп Қасым-Жомарт Тоқаевпен ақпан айында Вашингтонда өткен Бейбітшілік кеңесінің алғашқы жиыны аясында кездескенін ықыласпен еске алған.
Сонымен қатар Құрама Штаттардың Президенті Мемлекет басшысын Бейбітшілік кеңесінің келесі отырысына және G20 саммитіне шақырған. Саммит жыл соңында Майамиде өтеді деп жоспарланған.