Тоқаев «Лукойл» компаниясының негізін қалаушы Вагит Алекперовпен кездесті
Мемлекет басшысы Қасым-Жомарт Тоқаев «Лукойл» компаниясының негізін қалаушы Вагит Алекперовті қабылдады.
Астана, NEGE. Вагит Алекперов Президентке «Лукойл» компаниясының Қазақстандағы қызметінің қорытындылары және таяу жылдарға арналған жоспарын таныстырды.
«Лукойл» Қазақстандағы бірнеше ірі мұнай-газ жобасына қатысады. Компанияның Теңіз жобасындағы үлесі – 5%, Қарашығанақта – 13,5%, КТК-да – 12,5%, ал «Қаламқас-теңіз – Хазар» жобасындағы үлесі – 50%.
Кездесуде Қасым-Жомарт Тоқаев пен «Лукойл» басшысы мұнай-газ саласындағы бірлескен жобалар аясында ынтымақтастықты одан әрі дамыту жайын талқылады.