Тынық мұхитында 3000-нан астам көлік тиелген кеме өртенді
Morning Midas автокөлік тасымалдаушы кемесі Аляска жағалауынан 480 шақырым жерде өртенді.
Алматы, NEGE. Бортта болған 22 экипаж мүшесінің барлығы құтқарылған.
Жүк кемесі Қытайдың Яньтай портынан Мексикадағы Ласаро Карденас портына 3048 автокөлікті жеткізуі тиіс болған. Оның 70-і электрлі, 681-і жартылай гибридті және 2200-ден астамы жанармаймен жүретін көлік.
Ал өртенген темір тұлпарлардың өндірушісі туралы ақпарат әзірге жария етілмеді.