Теңге неге нығайып келеді?

(…) Сауда бойынша Қазақстанның әріптес елдерінің нарығындағы тұрақтылық нәтижесінде және мұнай бағасының тұрақталуына байланысты теңге 1 айда 429,41-ден 411,54-ге күшейді», - деп келтіреді ҚР Ұлттық банкінің баспасөз қызметі.

Алматы, NEGE. Ұлттық қор жағдайы және теңгенің нығаюы, ішкі валюталық нарықтағы жағдайға түсінік берген орталық банк төрағасының орынбасары Әлия Молдабекованың сөзін.
Оның ақпарынша, мұнай нарығындағы баланстың ақырындап қалпына келуі форнында энерготасымалдағыштар бағасы оң көрсеткіш көрсеткен.
«Сауд Арабиясы мұнай өндірісін қысқарту міндеттемелрін орындауға мұнай өндіруші елдерді ынталандыру үшін мұнай өндіруді тағы да тәулігіне 1 млн баррельге қысқарту туралы шешім шығарды. АҚШ-та бұрғылау қондырғыларының саны азаюын жалғастырып, 222-ге жетті. Бұл 10 жылдағы рекорд азаю көрсеткіші. Қара алтын котировкасы мамырда 40%-ға артты – барреліне $25,3-тен $35,3 дейін», -деді ол.
Сонымен қатар, ол мамырдағы ұлттық валютаның ахуалына ішкі факторлар ықпал еткенін айтты.
«Біріншіден, бұл ҚР Ұлттық қорынан 2020 жылға берілетін кепілді трансферт көлемінің 2,7 трлн теңгеден 4,77 трлн теңгеге артуы аясында бюджетке трансфертті жүзеге асыру .үшін Ұлттық қордан валюта сатылымын арттыру. Екіншіден, экспортерлердің салық түсімдерін төлеу үшін шетел валютасын сатуы. Мамырдың «салықтық» ай болғанына қарамастан экспортшылардың сату көлемі аздап қысқарған. Үшіншіден, карантинге байланысты көптеген кәсіпорындар әлі де жұмыс істемей тұрғандықтан, ұлттық валютаға сұраныс азайған. Мамырда сауда көлемі бір жылдағы төменгі көрсеткішке дейін жетіп, $1,6 млрд. құрады. Салыстыру үшін сәуірде сауда көлемі $1,72 млрд. болды, ал орта есеппен 2020 жылдың төрт айында $2,4 млрд. құрады», - деді Ұлттық банк төрағасының орынбасары.
Сондықтан, Молдабекованың айтуынша, «мамырда Ұлттық банкке интервенция жасауға қажеттілік болған жоқ».