8 марта 2026 г. 11:24
Таяу Шығыстан 11 рейспен 1 786 қазақстандық елге жеткізілді
Таяу Шығыстан Air Astana, SCAT, Flydubai және Air Arabia әуе компаниялары 11 рейс орындады.
Астана, NEGE. Наурыз айының 7-нен 8-не қараған түні Таяу Шығыс елдерінен Қазақстанға Air Astana, SCAT, Flydubai және Air Arabia әуе компаниялары 11 рейс орындап, елге 1 786 адам жеткізілді.
Көлік министрлігінің мәліметінше, аталған әуе компаниялары азаматтарды елге қайтару үшін бүгін тағы рейстер орындауды жоспарлап отыр.
Жалпы 3 наурыздан бері Таяу Шығыс елдерінен Қазақстанға 37 рейс жүзеге асырылып, 6 254 азамат эвакуацияланды.
Ведомствоның ақпарынша, қазақстандықтарды елге қайтару жұмыстары уәкілетті мемлекеттік органдар мен әуе компанияларының бірлескен жұмыстары арқылы жалғаса бермек.
