Іле-Алатау ұлттық паркінің сервисі дами бастады
"Іле-Алатау" ұлттық паркінде экотуризммен қатар, жаппай туризмнің сервисі дамып келеді. "Аюсай" шатқалында жаңадан ашылған визит орталықта тұрмыстық нысандар ашылып, келушілер қазіргі заманға сай қызметтерге қол жеткізе бастады
Визит орталықтың жұмысын ұйымдастырып жатқан "Turanga Group" компаниясы, "Аюсай" шатқалына келушілер үшін демалыстың барынша жайлы өтуіне мүдделі. Сол себептен, шәй ішу орны, заманауи дәретхана сынды тұрмысқа қажет нысандар ашылып, келушілерге ыңғайлы болды.
Тақырыпқа орай: Алматыда жаңа демалыс орталығы ашылды
Визит орталық келушілердің барлық қажетті ақпарат алатын орны. Туристер осы орталықтан "Іле-Алатау" ұлттық паркінде не бар екенін, қайда бару керегін біле алады.
Ғалымдардың айтуынша, бұл өркениетті экотуризмнің нышаны. Келушілерге табиғат аясында өзін ұстау мәдениетін қалыптастыру ісінде визит орталықтар, ондағы ақпараттар, гидтер мен карталар үлкен рөл ойнайды. "Аюсай" шатқалындағы визит орталық осындай нысандардың алғашқысы болып табылады. Экотуризмді дамыту жоспарында елдегі ұлттық парктерде осындай орталықтар ашу көзделген.