Тасмағамбетов Ресей агрессиясын жария түрде қолдады деп айыпталды
Украинаның «Миротворец» сайтының авторлары ҰҚШҰ-ның (ОДКБ) бас хатшысы Иманғали Тасмағамбетовті өз базасына енгізді.
Астана, NEGE. Сайт деректерінде Тасмағамбетов соғысты насихаттады, оны ақтады және Ресей агрессиясын жария түрде қолдады, сондай-ақ Украинаның егемендігі мен аумақтық тұтастығына қол сұқты деп айыпталған.
«Ресейдің Украинаға қарсы агрессиясын толық қолдайды. ҰҚШҰ-ның бас хатшысы ретінде Ресей армиясына көмек ретінде ҰҚШҰ әскерін жіберуге дайын болды. Украина аумағына жасалған «Орешник» зымыран соққыларын ақтайды», – деп көрсетілген «Миротворец» сайтының мәлімдемесінде.
Сондай-ақ, Иманғали Тасмағамбетовтің «Выборг» кеме жасау зауытының акционері және КАМАЗ директорлар кеңесінің мүшесі екені атап өтіледі.
Ал ҰҚШҰ бұл жағдайға қатысты әзірге түсініктеме берген жоқ.