Тараз көшелерін «балға ұстаған маньяк» кезіп жүр ме?
Әлеуметтік желіде Тараз көшелерін «балға ұстаған маньяк» кезіп жүр деген ақпарат тарады.
Алматы, NEGE. Таразда қалалық саябақ маңынан басы жаншылған ер адамның мәйіті табылды. Бір күннен кейін қаланың орталық көшелерінің бірінен тағы бір адамның жансыз денесі табылып отыр. Осындай жағдайлар жиілеген соң мессенджерлерде қорқынышты хабарлама тарай бастады.
Жамбыл облыстық полиция департаменті аталмыш жағдайға қатысты пікір білдіріп, қауесетті жоққа шығарды.
«Әлеуметтік желіде «Таразда балға ұстаған маньяк жүр, зардап шеккендер бар» деген ақпарат тарауда. Жамбыл облысының полиция департаменті бұл ақпараттың шындыққа жанаспайтынын хабарлайды. Сондай-ақ, ҚР ҚК-нің 274-бабына сәйкес жалған ақпаратты, оның ішінде әлеуметтік желілер мен мессенджерлер арқылы таратқаны үшін қылмыстық жауапкершілік көзделгенін ескертеміз», - делінген полиция департаментінің хабарламасында.