Талғарда резеңке дөңгелектер шығаратын зауыт өртенді
Алматы облысы Талғар ауданы Жаңалық ауылындағы зауыттан өрт шықты, деп хабарлады ТЖМ.
Алматы, NEGE. «Алматы облысының өрт сөндірушілері Талғар ауданы Жаңалық ауылындағы резеңке дөңгелектер шығаратын зауыттағы өртті сөндіруде. Оқиғаның мән-жайы анықталып жатыр. Өртті сөндіру жоғары температурамен және үлкен өрт жүктемесімен күрделенуде», – делінген ведомство хабарламасында.
ТЖМ мәліметінше, 112-ге алапат өрттен зардап шеккендер туралы ақпарат түскен жоқ. Құтқарушылар өз ісіне жоғары дәрежемен кіріскен.