Талдықорғанда автобус жүргізушісі шағымданған жолаушыларды автопаркке алып келген (видео)
Әлеуметтік желіде талдықорғандық автобус жүргізушісі шағымданған жолаушыларды автопаркке алып келген видеосы тарады.
Алматы, NEGE. Талдықорғанда №13 автобустың бір жүргізушісі жұмысқа шықпай қалған. Сол себепті, тұрғындар автобусты ұзақ күтуге мәжбүр болған.
Ашуланған халық аялдамаға тоқтаған №13 автобустың басқа жүргізушісіне шағым айтып, айқайға басқан. Әріптесі жұмысқа шықпай қалғандықтан, аялдамада автобусты ұзақ тосып қалған жолаушылардың ашу-ызасын өзіне алуға мәжбүр болады.
Тұрғындардың шағымына шыдамаған жүргізуші мәселелеріңді басшылықтың тікелей өзіне айтыңдар деп, аялдамадан отырған барлық жолаушыны ойланбастан автотұраққа алып келген.
Әлбетте, жолаушылар жүргізушінің бұл әрекетін құптаған жоқ.