Тағы 2 қазақстандық емделіп шықты
Қазақстанда тағы 2 науқас коронавирустан айығып кетті. Жалпы 20 адам сауығып кетті: 13 Нұр-Сұлтанда, 7 Алматыда.
Алматы, NEGE. Бүгін Алматыда коронавирустан ем қабылдаған тағы екі науқас емделіп шықты.
Науқастың бірі, әйел адам, Франкфурт – Нұр-сұлтан – Алматы бағыты бойынша ұшып келген. Ал екіншісі Мәскеу – Алматы рейсімен келген екен. Індет жұқтырғандар тиісті ем-дом шараларын алды.
Бұдан былай екі науқас та медицина қызметкерлерінің бақылауында 14 күндік үй карантинінде болады.