«Сюцайдың» дін мен ғылымға қатысы жоқ
Қазақстанның Мәдениет және ақпарат министрлігі «Сюцай» ұйымының қызметіне қатысты интернет-ресурстарға дінтанулық сараптама жүргізді.
Алматы, NEGE. Сараптама қорытындысы бойынша сайттарда жарияланған материалдарда діни сипат байқалмаған. Оларда діни ілімнің белгілері, діни тәжірибелер немесе құлшылық нысандары жоқ. Сондықтан «Сюцай»-ды діни ұйымдарға жатқызуға болмайды.
Сонымен қатар, бұл жалған ғылыми ағым адамдарды адастыруы мүмкін.
«Яғни, «Сюцай цифрлық психологиясы» деп аталатын бағыт мәні жағынан астрология, нумерология және өзін-өзі тану тақырыбын субъективті түсіндіру мен алыпсатарлыққа негізделген, ғылыми дәлелі де, діни мәртебесі де жоқ өзге де жалған ғылыми бағыттарға ұқсас», – деді вице-министр Қанат Ысқақов.