Соғыстан кейінгі соғыс: Репарация тарихи әділдік пе, әлде саяси құрал ма?
Репарация деген не? Репарация туралы жазбас бұрын осы сұраққа қысқа әрі толымды жауап тауып алған жөн. Репарация ұғымының түп төркіні латынның reparatio – «қайта қалпына келтіру» деген сөзінен шыққан. Яғни материалдық-құқықтық жауапкершіліктің бір түрі. Көпке түсінікті тілмен айтсақ, бір мемлекеттің екінші бір мемлекетке жасаған қиянатының, әскери шабуылының ақшалай немесе басқалай өтеуі, зиянның орнын толтыруы, қираған қалаларын қалпына келтіруі, тағы да басқа мәжбүрлі іс-әрекет.