Скриптонит коронавирус жұқтырды
Скриптонит деген атпен танымал қазақстандық рэпер Әділ Жәлелов коронавирус жұқтырды.
Алматы, NEGE. Бұл туралы әнші Instagram-парақшасында жазды.
«Коронавирус инфекциясын (COVID-19) жұқтыруыма байланысты 36 Summer Jam 27 маусымға шегерілді. Қолайсыздық үшін кешірім сұрап, түсінесіздер деп үміттенеміз», – деп жазды Скриптонит Instagram-да. Әншінің тыңдармандары тезірек сауығып кетуін тіледі.
Наурызда Скриптонит «Свистки и бумажки» альбомын шығарған болатын. Кейін ол ағылшын тілінде альбом дайындап жатқаны хабарланған. Мамырдың соңында қазақстандық рэпер «Будьте здоровы» атты әнін шығарған еді.