СҚО тұрғындары қырылған құстары үшін өтемақыларын ала алмай жүр
Солтүстік Қазақстан облысында тұрғындар қырылған құстары үшін өтемақыларын толық көлемде ала алмай отыр, хабарлайды «Хабар 24».
Алматы, NEGE. Бүгінгі күні Якорь ауылының тұрғындарына республикалық індетке қарсы отрядтың мамандары жойған құстар үшін ғана қаражат төленген. Қалған қаржы қашан аударылады?
Якорь ауылының тұрғыны Александр Засыпкинның мыңға жуық құсы тұмаудан қырылды. Есеп бойынша оған 5 миллион теңге көлемінде өтемақы берілуі тиіс еді. Алайда оған тек 1,5 миллионы ғана аударылған. Бастапқыда не ауру екенін білмеген соң «құстарды өздерің өртей беріңдер» деді. Сәйкесінше, ол үшін жергілікті ветеринарлар акт жасады.
Құс тұмауы басталғаннан бері жеке тұрғын үйлерде 21 мыңға жуық құс жойылды. Бүгінде тек 53 азаматқа 73 миллион теңге өтемақы төленген. Жалпы құс тұмауы басталғаннан бері өңірде фабрикаларды қоса алғанда 455 мыңға жуық құс қырылды.