СҚО-да жүк көлігі аударылып, жүргізуші құтқарылды
Солтүстік Қазақстан облысының Ақжар ауданында республикалық маңызы бар жолда жүк көлігі жолдан шығып кетіп, аударылды. Бұл туралы Төтенше жағдайлар министрлігі хабарлады.
АЛМАТЫ, NEGE. Алдын ала мәлімет бойынша, жүргізуші көлікті басқара алмай, рульге ие болмаған. 1962 жылы туған азамат кабинада қысылып қалған.
— Құтқарушылар оқиға орнына жедел жетіп, гидравликалық құралдың көмегімен жүргізушіні шығарып, жедел жәрдем қызметіне тапсырды, — делінген ресми ақпаратта.
Қазір оның өміріне қауіп жоқ. Төтенше жағдайлар министрлігі жүргізушілерді жолда сақ болуға шақырады.