«Қамалды» деген министрді журналистер сұрақтың астына алды
Сыртқы істер министрі Мұрат Нұртілеудің ұсталғаны туралы ақпарат тараған болатын.
Алматы, NEGE. Мұрат Нұртілеу бүгін Парламент палаталарының бірлескен отырысына келді. Бірер минуттардан кейін президент Қасым-Жомарт Тоқаев Қазақстан халқына Жолдауын жариялайды.
Жиынға келген министрді журналистер сұрақтың астына алды.
«Ойлаймын, мұндай жағдай адамдарда көктем мен күзде болып тұратын сияқты. Маған тіпті бұған қатысты пікір білдірудің қажеті жоқ. Өздеріңіз бәрін көріп тұрсыздар», – деді Сыртқы істер министрі өзіне қатысты «қамауға алынды» деген ақпарат жайлы.