Ішкі істер министрі Кәрім Мәсімовтің қазіргі жағдайына қатысты пікір білдірді (видео)
Мәжіліс кулуарында Ішкі істер министрі Ержан Сәденов мемлекетке опасыздық жасағаны үшін сотталған Кәрім Мәсімовтің қазіргі жағдайына қатысты пікір білдірді.
Алматы, NEGE. «Ресми түрде айтамын – жағдайы қалыпты. Ол сот үкіміне сәйкес, бас бостандығынан айыру мекемесінде отыр», – деді Ержан Сәденов.
2023 жылы 24 сәуірде сот Кәрім Мәсімовке үкім шығарды. Ол мүлкі тәркіленіп, мемлекеттік қызметте лауазымдарды атқару құқығынан өмір бойына айырумен 18 жылға сотталды.
Кәрім Мәсімовке қаңтар оқиғасы бойынша айып тағылған болатын. Ол мемлекетке опасыздық жасау, билікті күштеп тартып алу және қызметтік өкілеттігін асыра пайдалану бойынша кінәлі деп танылды.