Шынайы оқиғаға негізделген фильм тізімі

.

«Argo / Арго операциясы / Операция «Арго» - Бен Аффлектің режиссерлік дебюті Иран көтерілісінің қызған шағында Тегерандағы америкалық дипломаттарды құтқаруға бағытталған арнайы операция хикасын баяндайды. Исламшылдар АҚШ елшілігін күштеп жаулап алған кезде, алты американдық қашып кетіп, канадалық елшілікке жасырынып үлгереді. Иранда олардың аман қалуы екіталай, сондықтан бұл жағдайдан шығар жалғыз жол - дипломаттарды елден әкетуге қатысты құрылған қауіпті жоспар. «Арго» операциясының жетекшісі ОББ (ЦРУ) маманы Тони Мендес ерекше нұсқа ойлап табады. Картинаның тарихи шынайылығы бірқатар талас тудырған, тіпті фильмді Иранда көрсетуге тыйым салған.

«Munich / Мюнхен» - Стивен Спилбергтің «Мюнхен» драмасы Олимпиада ойындары тарихындағы ең қайғылы оқиға – 1972 жылы болған жазғы Олимпиада кезіндегі лаңкестік шабуылды негізге алған. Ол кезде «Қара қыркүйек» атты лаңкестер тобы израилдық спортшыларды тұтқынға алып, өлтірген. Кейін Израиль премьер-министрі Голда Меир «Моссада» офицері Авнер Кауффманға сол сұмдық оқиғаның кінәлілерін жазалап, көздерін құрту мақсатында кішігірім топ құрып, операцияны басшылыққа алуды ұсынады. Басты шарт біреу ғана, Авнер ресми түрде «Моссададан» кетіп, құпия түрде әрекетке көшуі тиіс, себебі операция жүзеге аспай қалса, олар биліктен кек алуды көздемеуі керек.

«Schindler's List / Шиндлер тізімі / Список Шиндлера» - Стивен Спилбергтің ең танымал әрі әсерлі фильмдерінің бірі фантастикалық ертегі емес, Оскар Шиндлер жайлы баяндайтын шынайы өмірде болған тарихи драма. Ол Екінші дүниежүзілік соғыс жылдарында мыңнан астам поляк еврейлерін Холокост салдарынан құтқарған. Неміс кәсіпкері болған Шиндлер Краковта фабрика ұйымдастырып, геттодағы тұтқындарды жұмысқа алған болатын.

«Three Seconds / Өрлеу / Движе́ние вверх» - кеңес баскетболшысы Сергей Беловтың өмірбаянына құрылған «Өрлеу» картинасы айналымда сәтті көрсетілді. Картинадағы негізгі оқиға 1972 жылғы қайғыға толы Мюнхен Олимпиадасында болған. Қаладағы жағдай ушығып кеткен. Лаңкестік шабуылға байланысты жазғы ойындар уақытынан бұрын аяқталды, ал қалған жарыстар болмай қалды. Хикаяның өзегі - Кеңес Одағының баскетбол құрамасы. Олар Олимпиада алтынын алу үшін АҚШ тобымен бірге соңғы жарысқа шығуы тиіс.

«Алтыншы бекет / Шестой пост» - толықметражды картинасы еліміздің киноэкрандарынан көрсетілді және жеті жыл бұрын болған оқиғаны баяндайды. Ол кезде Маңғыстау облысындағы қатаң тәртіптегі колониядан оннан астам қаруланған қылмыскерлер қашып кетеді. Қашқындар алтыншы бекеттен қатардағы жауынгер Ерлан Қаратаевтың тойтарысына тап болатынын ойламаған еді. Сарбаз сол түні кезекшілікке шығып, қылмыскерлердің көптігіне қарамастан, қызметін тастаған жоқ.

«Zodiac / Зодиак» - лақап аты бар сериялық қанішердің ісі - Америкадағы толық ашылмаған белгілі қылмыстардың бірі. Маньяк қылмыстан бөлек, көлемді газеттерге өзі туралы кодты мәліметтер жазылған криптограмма хаттарын жіберіп отырған. Нәтижесінде, барлық хаттан тек бір ғана мәліметті білген. Зодиакты ұстау әрекеттері табысты бола қоймады. 2007 жылы «Жеті» және «Ержүректер клубы» фильмдері арқылы танымал Дэвид Финчер Роберт Грейсмиттің журналисттік зерттеуін экранға шығарды. Картинадағы оқиға 1968 жылдың шілдесінен басталып, қылмыс орын алған 12 жылды қамтыған.

«Catch Me If You Can / Егер қаласаң, ұстап ал / Поймай меня, если сможешь» - Стивен Спилбергтің үшінші картинасы да тізімімізде. Бұл да шынайы оқиғаларға негізделген. Алаяқ атанған Фрэнк көптеген жалған құжаттар жасап, миллион доллар табысқа кенеледі. Қыздарға сыйлық алып, мейрамханаларға апарып, оңды-солды шашады. ФТБ (ФБР) агенті Карл Хэнрэтти Абигнейлді жауапкершілікке тартуға тырысады, бірақ үнемі бір қадам артта жүреді.

«All the President's Men  / Президент әскері» - 1976 жылғы бұл фильм журналистер Боб Вудворд пен Карл Бернстейннің деректі кітабына негізделген. Олар Никсонның үш жыл бұрынғы президент сайлауы алдындағы алаяқтығына қатысты деректерді тапқан болатын. Атышулы іс мейрамхананың құрметіне «Уотергейт» деп аталған, яғни ол жақта Ричард Никсон әкімшілігі демократиялық партияның атынан үміткер болған Джордж Макговерннің штаб-пәтеріне құпия тыңдалым орнатуға тырысқан. Фильмде журналистік зерттеу мен дайындық жақсы көрсетілген.

«JFK / Джон Ф. Кеннеди. Далластағы атыс / Джон Ф. Кеннеди. Выстрелы в Далласе» - Оливер Стоун картинасының сценарийі Джим Гаррисонның «Қанішерлердің ізімен» және Джим Марстың «Тоғыспалы от: Кеннедиді өлтірген қастандық» атты екі кітаптың негізінде жазылған. Сюжеті Джон Кеннеди өлімін зерттеумен айналысқан прокурор Джим Гаррисонның тергеуіне негізделген. Ара-тұра ақ-қара көріністермен бейнеленген фильм жалған деректі стилистикада жасалған және АҚШ билігінің қолдауымен кубалық контрреволюционерлердің президентке ұйымдастырған қастандығын қарастырған.

«Changeling / Ауыстыру / Подмена» - бұл әсерлі драма Кристин Коллинз хикаясын баяндайды. Ол өткен жүзжылдықтың 20-шы жылдары баласын жоғалтып алғандығына байланысты полицияға арыз жазады. Бұл іс көпшіліктің назарын бірден өзіне аудартады және бес айдан соң қоғам қысымының арқасында полицейлер анасына баласын әкеледі, бірақ кейіпкер ұлын танымайды. Жағымсыз оқиғаның ізін суыту үшін Кристинді психикалық емханаға орналастырады. Фильм режиссері Клинт Иствуд көрермен назарын баласын жоғалтып, оны ештеңе қарамастан іздеуге көшкен анаға аудартады.