Шымкенттегі мектептерге Ауғанстаннан келген босқындар орналаса ма?
Әлеуметтік желілерге Шымкенттегі мектептердің біріне босқындар орналастырылады деген ақпарат тараған болатын. Алайда бұл ақпаратты қалалық әкімдіктің баспасөз қызметі жоққа шығарды.
Шымкент, NEGE. Қалалық әкімдіктің баспасөз хатшысы Бекен Қоныстың айтуынша, мектептердің бірінде жаңа оқу жылына дайындық жұмыстары жүргізілген.
«Ауғанстан босқындарын қабылдайды деген ақпарат шындыққа сәйкес келмейді. Тоғыс тұрғын алабындағы N120 мектепте жаңа оқу жылына байланысты жоспарлы жұмыстар атқарылуда», - дейді ол.